Мерекелік шараға арнайы қонақтар қатысып, ел бірлігі мен татулығын дәріптеген тағылымды жиын өтті. Атап айтқанда, аудандық қасақалдар кеңесін бірнеше жыл абыроймен басқарған, қазіргі таңда зейнеткер, абыз ақсақал Сүлейменов Мұстапа мырза, аудандық ардагерлер кеңесінің қазіргі төрағасы Арапбаев Садық мырза, Ақсақалдар кеңесінің төрағасы Исахов Ергеш мырза, Әжелер алқасының төрайымы Мауленова Күлшат ханым және ауданның бас имамы Төлебеков Тұрлыбек қатысып, ізгі тілектерін білдіріп, ақ баталарын берді.
Іс-шара барысында қонақтарға ақ дастархан жайылып, Наурыз көже ұсынылды. Сонымен қатар, ұлттық ойындар ойнатылып, халқымыздың салт-дәстүрлері кеңінен насихатталды. Шәкірттер ұлттық өнерден көріністер көрсетіп, мерекенің сәнін арттырды.
Наурыз – жаңару мен бірліктің, татулық пен берекенің мерекесі. Осындай тағылымы мол шаралар арқылы жас ұрпаққа ұлттық құндылықтар дәріптелуде.
Сарыағаш медресе колледжі баршаңызды Наурыз мейрамымен құттықтайды! Ұлыс оң болсын, ақ мол болсын!
https://www.instagram.com/reel/DWekw-BjJL8/?igsh=ZGlqYnFueGcxajM=
