Сарыағаш медресе колледжінің директоры Дінмұхаммед Сманов баршаңызды осы айтулы мерекемен шын жүректен құттықтайды.
Бұл күн Наурыз мейрамы аясында аталып өтіп, қазақ халқының дәстүрлі киімдерін дәріптеуге арналған. Ұлттық киім – халқымыздың тарихының айқын көрінісі. Әрбір ою-өрнекте ұлттың болмысы, мәдениеті мен тағылымы терең бейнеленген.
Ұлттық киім – сән үлгісі ғана емес, ол халықтың тұрмыс-тіршілігін, дүниетанымын және ғасырлар бойы қалыптасқан салт-дәстүрін танытатын асыл мұра. Сондықтан бұл күннің мәні ерекше.
Төл дәстүрімізді ұлықтап, ұлттық құндылықтарымызды бірге дәріптейік!
