Сәрсенбінің берекелі күнінде, Жаратқан сәтін салып Болатбек ұстазымыздың уағызын тыңдауға шәкірттер жиналған болатын. Екінті мен шам намазының арасында айтылған насихат ілім ізденушілердің оқуға деген көзқарастарына жаңаша дем беріп, осы жолда жүріп ата-анаға қандай деңгейде құрмет көрсету керектігі жайында уақиғалы уағыз айтылды. Сондай-ақ Дамск қаласындағы Дах-Дах атты қабірстандағы қабір қазатын жігіттің оқиғасы ұйып құлақ салып отырған шәкірттерге әсері ерекше болды. Уағыз-насихат соңында шәкірттер “Бауырыңды дінге шақыруды әдебі қандай” деген секілді сұрақтарға жауап алды. Аллаһ тағала уағыз-насихатқа алтын уақыттарын бөліп келетін ұстаздарға екі дүние де разы болсын, Ин шәә Аллаһ!
