Бүгін, үш күндік Құран байқауының екінші күні аяқталып, жарысқа қатысушы 69 қари Құран Кәрімнің 30 парасын, 20 парасын, 10 парасын және мәнерлеп оқу сынды төрт номинация бойынша толықтай сынақ тапсырып бітті деп хабарлайды www.medrese.kz сайтының тілшісі www.azan.kz сайтына сілтеме жасап.
Аталмыш сайысқа оқу орнымыздан екі шәкіртіміз қатысып 10 парадан Рахимқұлов Акмал Давранбекұлы
ІІ орынды қанжығасына байлады.
Жарыс жүлдегерлерінен бөлек Құран байқауына қатысқаны үшін 57 қаридың әрбіріне ынталандыру ретінде 50 мың теңгеден сыйақы берілді.
Ал, аталмыш байқаудың жүлдегерлері төмендегідей марапаттарға ие болды:
15 қари қатысқан Толық Құранды (30 пара) жатқа оқу бойынша:
І орын – Маңғыстаулық Сатешов Сақи (автокөлік)
ІІ орын – Жамбылдық Лиров Нұрмұхамед (2 000 000 тг)
ІІІ орын – Алматылық Қаратаев Саламат (1 500 000 тг)
15 қари қатысқан Құранның 20 парасын жатқа оқу бойынша:
І орын – Алматылық Абишев Қуаныш (1 500 000 тг)
ІІ орын – Қызылордалық Абдазимов Ниғматулла (1 250 000 тг)
ІІІ орын – СҚО-лық Хакимов Ахмадқожа (1 000 000 тг)
18 қари қатысқан Құранның 10 парасын жатқа оқу бойынша: І орын – Нұр-Сұлтандық Мейітқасым Нұртілеу (1 000 000 тг)
ІІ орын – Түркістандық Рахимқұлов Акмал Давранбекұлы (750 000 тг)
ІІІ орын – Маңғыстаулық Ізгілік Омар (500 000)
18 қари қатысқан Құранды мәнерлеп оқу бойынша: І орын – Алматылық Базарқан Қайнар Базарқанұлы (500 000 тг)
ІІ орын – Атыраулық Балтабай Ұлан Бағдатұлы (300 000 тг)
ІІІ орын – Талдықорғандық Исабеков Бауыржан (150 000 тг)
Қариларымызды жеңістерімен құттықтаймыз. Алла Тағала баршамызға Құран шапағатын нәсіп етсін.
