Алланың Елшісіне (Оған Алланың игілігі мен сәлем болсын) ең алғаш түскен: «Оқы! Сені жаратқан Раббыңның атымен оқы!», – деп басталатын «Алақ» сүресінің алғашқы аяттары еді. Яғни, Жаратқан Иенің атымен оқу, білім алу парасаттылыққа қол жеткізудің негізгі баспалдағы. Мұсылмандықтың қырық парызының бірі – білім іздеу. Осыларды басшылыққа алған қазақ ағартушысы Ыбырай Алтынсарин бабамыз балаларды білімге шақырғанда: «Бір Аллаға сыйынып, Кел, балалар, оқылық», – деп, білімді Алланың атымен бастап, білім алуға насихаттаған.
«Сарыағаш медресе колледжінің» бітіруші шәкірттері Құран, фиқһ, араб тілі пәндерінен мемлекеттік емтихан тапсырды.
Аталмыш емтиханды Бақтыбай Бейсенбаев, ҚМДБ-ның оқу ағарту бөлімінің меңгерушісі , ОҚО орталық мешітінің найб имамы Еркебұлан Қарақұлов, «Шымкент медресе колледжінің» ұстазы Абдиров Айтжан қабылдады.
Бірер күндерде диплом алып, ілім деген аманатты арқалап үлкен өмірге қадам басатын түлектерге Алла Тағала алдағы жолдарын ашсын деп тілейміз!
