Сарыағаш медресе колледжінің ұйымдастыруымен “Қош келдің, әз Наурыз” атты мерекелік іс-шара ауқымды көлемде аталып өтті. Думанды жиынға медресе колледж директоры Дінмұхаммет Сманов пен оқу орынның ұстаздары қатысты.
Алғы сөз Құранмен басталып, барша жұртшылық қол жайып дұға етті. Ұлыстың ұлы күнінде патриоттық сезімді нығайту мақсатында ҚР мемлекеттік әнұраны орындалды. Аталған салтанатты шарада қазақтың ұлттық ойындары: тоғызқұмалақ, ләңгі тебу, арқан тартыс, кір тасын көтеру сынды спорттық жарыс ұйымдастырылды. Сондай-ақ жеңімпаздарға медресе колледж атынан арнайы алғыс хат беріліп, сыйлықтар табысталды.
