С: Дәрет сүннеттері қанша ?
Ж: Дәреттің сүннеттері он бес :
- Ниет ету, яғни дәретсіздіктен арылу немесе дәретпен ғана рұқсат етілген амалдарды атқаруға ниет еті;
- Дәрет алуды қолын үш рет білезігіне дейін жуудан бастау. Ұйқысынан тұрған адамға да дәрет суы құйылған ыдысты ұстаудан бұрын екі қолын жуу сүннет саналады;
- Алла зікірімен бастау;
- Мисуәк (тіс тазалағыш) қолдану;
- Үш рет ауыз шаю;
- Мұрнына үш рет су тартып шаю;
- Бір рет суланған қолмен басын түгел сипап мәсіх тарту;
- Екі құлағына мәсіх тарту (басын сипау үшін сулаған қолымен);
- Оң қол саусақтарының арасын сол қолдың саусақтарымен және сол қолдың саусақтарын оң қолдың саусақтарымен тарау;
- Саусақтармен сақалды тарау;
- Ағзаларды үш реттен жуу;
- Құран кәрім аяты нұсқаған тәртәппен дәрет алу. Сондықтан, бірінші бетті, кейін шынтақпен қоса екі қолдыжуу, басқа мәсіх тарту, соңынан екі тобықты қоса аяқтарын жуу керек;
- Жууды оң жақтан бастау ;
- Жуылатын ағзаларды тұтас жуу, яғни басқа амалдарды араластырмай, ретімен жуып соңына жеткізу;
- Мойынға мәсіх тарту.
