2016 жылы 31 қаңтар күні Сарыағаш ауданы, Абай ауылының орталық мәдениет үйінде адамзаттың ардақтысы, асылы болған Пайғамбарымыз Мұхаммед Мұстафаның (с.а.с) мәуліт күнінінің рухани кеші өтті.
Рухани кешке Оңтүстік Қазақстан облысының өкіл имамы Ахметжан Керімбеков, Сарыағаш ауданы әкімінің орынбасары Құдірет Қыстаубаев, ауданның ішкі саясат бөлімінің басшысы А.Қозыбаев, Абай ауылының әкімі Алмас Сексенбаев, Сарыағаш ауданының бас имамы Қанатбек Кенжебеков және аудандағы барлық Қазақстан Мұсылмандары діни басқармасының филлиалдарының имамдары, аудан тұрғындары қатысты.
Кеште Сарыағаш медресесінің шәкірттері рухани әндер айтып, қара өлеңдер оқып, көріністер көрсетіп, және бейнероликтер көрсетті. Сарыағаш ауданы Абай ауылында орналасқан «Ешан баба» мешітінің имамы Айдар Садықов Пайғамбарымыз Мұхаммед Мұстафаға құран бағыштады.
Оңтүстік Қазақстан облысының имамы Ахметжан Керімбеков Мәуліт кеші жоғары дәрежеде атап өткенін айтып, ауыл тұрғындарына алғысын білдірді.
