Қазақстан мұсылмандары діни басқармасына қарасты Сарыағаш медресе колледжінде жаңа оқу жылын сапалы әрі жүйелі ұйымдастыру мақсатында ұжымдық жиын өтті. Бұл алқалы басқосу – жаңа кезеңге тың серпін, нақты жоспар және кәсіби жауапкершілікпен қадам басудың көрінісі болды.
🔹 Жиында талқыланған басты бағыттар:
1️⃣ 2025–2026 оқу жылындағы оқу үдерісін тиімді ұйымдастыру жолдары;
2️⃣ Әдістемелік кеңестің жаңа жұмыс жоспарын бекіту;
3️⃣ Пәндер мен мамандықтар бойынша әдістемелік жұмысты жетілдіру;
4️⃣ Тәлімгерлік жүйе мен жас мамандармен жұмысты нығайту.
Жиын барысында колледж директорының оқу-әдістемелік жұмысы жөніндегі орынбасары Темур Қалмұратов пен колледж әдіскері Балзия Идияева жаңа оқу жылындағы әдістемелік және тәлімгерлік жұмыстарды жетілдіруге бағытталған мазмұнды ұсыныстарын ортаға салды. Бұл ұсыныстар – білім мен тәрбие сапасын жаңа деңгейге көтеретін маңызды қадамдар.
Білім – болашақтың негізі, тәрбие – руханияттың тірегі.
Сондықтан бұл дайындық – шәкірттеріміздің терең білім алып, парасатты тұлға болып қалыптасуына мызғымас негіз болмақ.
Ұжымдық ынтымақ пен кәсіби белсенділік – табысты оқу жылының кепілі.
Жаңа оқу жылында – жаңа белестер, жаңа жетістіктер бізді күтеді! Бірге өсіп, бірге өрлейік!
